港澳兩日一夜 充電之選

撰文 H.L,

正所謂你有壓力我有壓力,平日工作勞碌,難得遇上長週末當然要好好送份禮物畀自己同你重視嘅人。當攞假仲難過搶平機票,快閃之旅又攰過番工嘅時候,輕輕鬆鬆係香港同澳門搵間靚酒店嘆番幾晚、充充電就係你療癒心靈活動嘅首選。

澳門JW萬豪酒店

想出走,但又唔想去太遠,近近地去澳門,以下呢個米芝蓮舒適之選就啱唒你!

澳門JW萬豪酒店係全亞洲最大嘅JW萬豪酒店,酒店擁有自家專屬泳池,去年更被《米芝蓮指南香港澳門2016》評價為「高級舒適」酒店。著住泳衣瞓係池邊﹐眼望四周嘅園林擺設﹐真係會令人有一種置身東南亞渡假嘅錯覺。

馬上出走

澳門悅榕莊

辛辛苦苦搵嚟當然要享受,如果上面嘅介紹唔夠奢華,咁澳門悅榕莊就一定係你杯茶。

平日係香港呢到係人個到又係人,全部都係人,放假唔想同人迫嘅心情我哋都明白,酒店房入面有私人泳池就滿足唒你避世嘅情緒。

馬上出走

Okura Macau

想番鄉下日本﹐但又唔想舟車勞頓的話,設計揉合現代與日式佈置嘅OKURA MACAU 可以一解你嘅思鄉愁緒。步入酒店除左和風設計大堂映入眼廉,仲有身穿和服嘅員工招待住客。

酒店嘅餐廳入面有懷石料理同時令海鮮等日式美食﹐係到用餐同時更可以飽覽銀河內園全景,所有煩惱都可以大啖大啖吞唒落肚。飲飽食醉嘆夠本之後,番香港再好好衝刺!

馬上出走

如心海景酒店暨會議中心

去澳門都嫌遠?咁不如留係香港high 個tea, 平日食個晏都趕頭趕命,Weekend 當然要對自己好一啲!係如心海景酒店暨會議中心瞓到自然醒再慢慢嘆個三點三。

食完捧住個肚去泳池游番轉,望住個迷人靚景放空到2046就perfect池啦!

馬上出走

香港四季酒店

除左靚景,仲中意放假畀人按兩按,做個SPA 鬆鬆筋骨嘅話,咁係香港四季酒店望住個維港夜景做SPA又夠唔夠chill?

仲唔夠嘅話,出完一身汗再去食個西式甜品,實行相管齊下,谷爆個快樂指數!

馬上出走