食得夠尖 歎盡酒店Afternoon Tea

撰文 梁安臣,

「相機食先」已成為一眾港女行街食飯時的指定動作。星期六打開IG,成日都被人去食下午茶的相洗版,本住人有我有既性格,記者搵來最特別的酒店下午茶,相信一定影到最靚既下午茶Set呃到like。食得又睇得,歎盡酒店下午茶,就得咁簡單,得左!

綠茶Fusion The Mira Hong Kong


次次去尖沙咀想食綠茶甜品,都會被那條長長的人龍嚇怕。唔洗驚,過隔離條街The Mira Hong Kong,一樣食到來自日本京都的抺茶滋味。COCO抹茶主題下午茶當然唔少得日式和菓子、士多啤梨抺茶撻等必有日式甜品,更有fusion日式抹茶朱古力brownie等,而鹹點也毫不遜色,以味噌醃成的豆腐,配合香濃的牛油果,清新怡人,最適合春日品嘗。tea set的果醬鬆餅甚有驚喜,沾上滲有淡淡鹽味的櫻花果醬於抺茶鬆餅上,味道平實卻甘香。mira_1

價錢:$238(一位)/$428(兩位)(另加10%服務費)
呃Like位:拿著以傳統日式茶碗盛載的Matsu no midori 茶湯和茶道專用的茶筅等用具拍照,人家可會以為你到了京都學茶道呢!
推出日期:即日至7月31日,每日下午3時至6時
地點: COCO, The Mira Hong Kong

 

法式聯乘 香港朗廷酒店


香港朗廷酒店跟法國化妝品牌Guerlain合作,推出以化妝品和女生衣櫃為題的下午茶。甜點中的Floral Headband以朱古力外層包住草莓和玫瑰果醬、Leather Blazer是榛子樹頭蛋糕,四邊鑲以榛子脆片,蛋糕上的柔滑朱古力醬及一雙香橙朱古力,充滿層次感。咸點則有蟹肉蕃茄青瓜泡芙雞肉沙律酥盒、火雞蘋果蓉麥包及黑松露煙三文魚芝士三文治

凡惠顧此下午茶還可以「又食又拎」:免費獲贈嬌蘭禮品套裝及專業護理服務,包括:La Petite Robe Noire小黑裙唇膏試用裝、La Petite Robe Noire小黑裙清香水1ml和 於Guerlain專門店免費預約體驗「緊塑美唇操」按摩技巧或La Petite Robe Noire唇部速效彩妝一次。


La Petite Robe Noire小黑裙彩妝下午茶2

價錢:$348(一位)/$598(兩位) (另加10%服務費)
呃Like位:大堂隔日有人演奏豎琴,影住個以英國名牌茶具Wedgwood盛住的西茶和點心,高貴度大升!
推出日期:即日至7月31日;星期一至五下午3時至5時30分
地點:廷廊The Langham Hong Kong

閱讀更多:

香港酒店法國大餐

中式滋味 InterContinenal Hong Kong


intercontinenal_1邊個話中式下午茶只係飲啖茶食個飽咁單調?一樣可以食得高貴幽雅。於InterContinental Hong Kong內的Lobby Lounge除了它一向大受歡迎的西式下午茶外,其中式下午茶都值得推薦。三層的紅色盒子內,放了九款不同的點心,件件都由名貴食材製成,並不是一般的點心咁簡單。第一層鹹點內的鵝肝雞肉酥鮑魚北菇香酥撻或以西班牙火腿及大粒元具製成的蘿蔔酥都是矜貴之選。打開第二層,見到精緻的芒果豆溶糕芋頭鹹蛋酥,真係口水都流晒出黎。

intercontinenal_2

價錢:$608(兩位) (另加10%服務費)
呃Like位:成個全盒形狀的Tea set,配合酒店出名的茗茶。原個茶壺端上的抹莉茶為解滞之選。更可以靚靚維港作遠景,呃Like度甚高!
推出日期:星期一至五下午2時至6時 (每日限量供應,約10份)
地點: Lobby Lounge, InterContinental Hong Kong

最Green午食 hotel icon


 

GREEN Scents of Summer Afternoon Tea (3)

鐘意食甜品相信都有去過hotel icon內的法國小餐館coffee shop GREEN食cake,大家又知唔知點解餐廳叫做GREEN,唔知大家有冇留意,樓高兩層的垂直花園?原來係全亞洲最大的內垂直花園,一邊坐係綠油油的牆壁旁,一邊食住酒店全新推出的Scnets of Summer下午茶,細嘗夏日愜意。

點心都由法國最佳工藝師Jean-François Arnaud精心炮製,當中有煙三文魚小點、香蒜帶子、酥脆蝦飯卷、紅苺茴香曲奇、薄荷蛋糕、乳酪慕絲蛋糕及檸檬貝殼蛋糕等,全部都醒胃清新,可為悶熱的味蕾醒醒神。

Hotel ICON_GREEN

價錢:$218起*(一位),$388起*(兩位) (另加10%服務費)
呃Like位:兩層樓高的垂直花園,係綠色牆前selfie扮去野餐!
推出日期:即日至8月31日,下午3時至5時30分
地點:Hotel ICON GREEN
*星期五至日及公眾假期,每位$238/兩位$438

 四季酒店 日式花巧下午茶


日式甜品的吸引之處,就係唔太甜又唔會太heavy。四季酒店稻菊日本餐廳最近與法國香薰品牌diptyque合作,推出「仲夏花香下午茶」,以夏日的花奔為設計靈感。鏡面的紅苺櫻桃餅包著紅莓Mousse,酸酸甜甜,入口清新。而自家製雪糕三文治為紅豆味,大大粒紅豆配合香濃雪糕,食落真的透心涼!另有其他精緻甜點如無花果鮮果撻雜果白酒啫喱抹茶紅豆蛋餅桂花糖三色丸子等製作精美,真的令人捨不得食掉。

咸點一樣製作出色,燒花魚海膽番薯豆腐稻荷壽司海鮮太卷茄子稻庭烏冬蓮藕餅,食材都是時令美食,大廚特意選擇味道清新而不太濃的食材,讓大家可以細味所有甜點。
four-seasons-x-diptyque-afternoon-tea2-1

價錢:$498(兩位)(另加10%服務費)
呃Like位:每一件甜品都如藝術品一樣精緻,點影都一定呃到日本控的Like!
推出日期:即日至8月7日(逢星期六、日及公眾假期)
地點: 中環金融街8號四季酒店4樓 稻菊日本餐廳