[旅⾏結婚] ⼩資情侶 出⾛廝定終⽣

撰文 Helen Lam,

By: Lin Zih-Yang | Line : zerokevinlin
結婚?哪有⼥!啊唔係,哪有錢先啱。先唔好講搞婚禮,依家去婚禮俾⼈情都有公價,你叫 ⾹港芸芸廢⻘們如何是好?好彩唔知邊位發明咗「旅⾏結婚」呢樣嘢,結婚即刻度埋個密⽉⼜得,得咗!加上依家咩都流⾏⾃製,好多⼈都會選擇⾃⼰婚照⾃⼰影,順便揀間近住靚景嘅酒店就可以唔啱影到啱啦。

二人世界到天荒地老

海島婚禮

要喺⾹港過⼆⼈世界當然唔係易事,但去旅⾏⼩兩⼝想享盡⼆⼈世界,我哋就有⼼⽔推介。 好似⾺爾代夫泰國布吉印尼峇⾥呢種流⾏度假式酒店嘅地⽅,酒店⼊⾯應有盡有,更可 以舉⾏浪漫嘅海邊婚禮。終⽣⼤事,暫時放低喺⾹港嘅煩惱同壓⼒,好好享受只有兩個⼈嘅 ⽣活,第⽇番到嚟⾹港都可以帶住呢份甜蜜嘅回憶拼搏,幾⾟苦都甜在⼼頭。

Baros Maldives|馬爾代夫

密月酒店推薦:Baros Maldives 嘅水上平房酒店,加上有別墅管家悉心打理,你哋嘅蜜月之旅將會係最夢幻奢華嘅回憶。酒店有水療服務,附近亦有浮潛點豐富你嘅體驗!

Ametis Villa Bali|印尼峇⾥

密月酒店推薦:Ametis Villa Bali 除咗有一般Vila 都有嘅非凡服務,你絕對唔可以忽略呢到嘅泳池,同你心愛嘅另一半係水中暢泳,不受打擾,完全屬於你哋兩人嘅浪漫時刻。

COMO Point Yamu Phuket|泰國布吉

密月酒店推薦:COMO Point Yamu Phuket 本身起喺小山上面,可由酒店優越角度欣賞獨特嘅景色。酒店本身有一流原汁原味嘅泰國美食,水療服務,更有各樣活動如Yoga 俾住客參與;入住呢間酒店度蜜月,最大挑戰應該係離開酒店範圍!


手挽手製造難忘回憶

極限運動配終極承諾

如果你⾃問係⾮⼀般情侶,兩個⼈都鍾意挑戰極限,咁拉埋天窗嘅⼀刻⼜點可以是是但但? 要測試對⽅係咪真係愛你,救啊媽定救我呢啲問題就⼀早過晒時啦!帶埋另⼀半去昆⼠蘭, 兩個⼈緊緊相擁 “You jump I jump”!⼀個肯你同狠狠跳⼀次嘅伴侶,就知道佢有幾咁愛 你啦。

Cypress Ridge Cottages|昆⼠蘭

密月酒店推薦:Cypress Ridge Cottages 嘅別墅四周有灌木叢包圍,確保每一個住客都擁有自己嘅私人空間,私隱不被打擾。如果你想要一個非傳統嘅蜜月體驗,呢到就最適合你,因為鄰近國家公園同大自然,無論想攀石定行山欣賞自然景色,都滿足到你。


婚照行禮密月一次過

地中海浪漫風情

今期流⾏⾃製,好多情侶都樂意帶住三腳架呢個電燈膽去旅⾏,為嘅就係幫⾃⼰影⼀幅完美嘅婚紗相。希臘⼩島聖托⾥尼唔單⽌係蜜⽉勝地,近年仲會⾒到好多對⼩情侶⼀袋⼆袋咁周 圍搵位影婚紗相;雖然⼤汗疊細汗,但第⽇望住張相⼀定咩回憶都出哂嚟!

Neptune Luxury Suites|聖托⾥尼

密月酒店推薦: Neptune Luxury Suites 係好典型的希臘酒店,位於火山口的懸崖,從窗戶、露台有一覽無遺嘅醉人景色,簡簡單單著條地中海風嘅白色裙,係酒店任何一個角落都係浪漫婚照嘅影相位。



童話故事般夢幻

歐陸古堡的婚禮

喺童話⼀般嘅街道上漫步,披著頭紗步⼊歐陸⾵情嘅教堂,相信係唔少⼥⽣對婚禮嘅憧憬。 如果你認為⾝邊嘅另⼀半就係你⼼中嘅公主與王子,咁布拉格絕對你哋踏⼊⼈⽣另⼀⾴嘅不 ⼆之選。

Grandior Hotel Prague|布拉格

密月酒店推薦:Grandior Hotel Prague 喺如此浪漫嘅城市,當然要有浪漫嘅細節:酒店係早餐時段安排咗鋼琴演奏,令你蜜月嘅美好一天有個最完美嘅開始。酒店同滿佈浪漫氣息建築嘅舊城區只係15分鐘步行距離,要自拍婚照都輕鬆容易。


!!旅⾏結婚注意事項!!

-留意當地結婚是否被⾹港承認,港⼈熱⾨旅⾏結婚地點泰國,印尼,⽇本等⾹港都承認, 有部分國家因宗教理由,⾮某宗教教徒的婚禮沒有法律效⼒(如⾺爾代夫);新⼈出發或回港前需補回註冊程序。

-當地婚姻可能需要排期等候,適宜盡早查詢相關安排-若不清楚婚姻細節,可找中介公司代辦