By 梁安臣

英國遊 曼徹斯特食玩訓懶人包

星期三, 19 十月 2016 33

「不要怕,只是技術性調整。」每日睇住個匯價,見到英磅自脫歐以來日日係咁跌,跌到而家1對9.5,嗚呀!次次都去倫敦,真係去到有少少悶。其實英國除了倫敦,還有許多大城巿,如曼徹斯特(Manchester)。國泰有直航飛曼彻斯特,如果時間許可,還可以搭火車到約克或愛丁堡一日遊。

 

有咩食

靚景配海鮮,爽

Where to eat: Manchester hipster places

Trof NQ | Photo credit: John Pilkington

次次講到英國食野,除左又貴又難食之外真係諗唔到其他形容詞。但Horse & Jockey 顛覆左以上的批評,餐廳有唔少海鮮,如青口、魷魚等。而餐廳有自己的酒和自家品牌啤酒The Bootleg如果天氣好,可以坐在餐廳外的小花園,望住整個Lvy Green公園,一個休閒的下午就如此渡過。

Unicorn co-op, Chorlton: hipster guide to Manchester

Unicorn Grocery | Photo credit: Nikki Hill

若餐餐大魚大肉太過肥膩,得閒食飯餐素清清腸胃其實都好。8th Day內有一系列蔬菜有機生果公平貿易食品等等。可以在Cafe食個清清地的三文治或湯,或者去超級巿場買d有機食材做手信一樣得。

Icelandic coffee shop: Manchester hipster guide

Takk | Photo credit: daily.bites

如覺得去歐洲點都要食件Cake、飲返杯咖啡Chill下,Takk都係一個幾好的Hea點。踏入這來自冰島Cafe,會先被它的簡約設計所吸引,打開餐牌內有一系列精品咖啡、和北歐風的糕點麵包等。望著那金髮藍眼Barista用牛奶拉出心形Latte art,心頭一暖。

有咩玩

Call我上私家天台

要一覽整個城巿景致,最好就去Godlee Observatory,建於1902年,要達上這木製的圓拱高塔,要先爬上又窄又斜的螺旋型樓梯。這是彻斯特大學位於Sackville 街建築物的頂樓,細細聲同你講,好多人都唔知呢個靚景架!如果想參觀,唔係大學的一份子都唔緊要,只要打+44 161 306 4977叫管理員開門比你就可以。最緊要出發前查看開放時間,就萬無一失啦。

GODLEE OBSERVATORY_resized

Photo credit: pedrik via Visualhunt.com / CC BY

Northern Quarter (NQ) 是個潮人集中區,不時有街頭藝術或表演。這兒的小店多數都是自家設計,精緻特別。限時巿集,有時會出售手工啤酒、傳統英國小食等,買回香港當手信一流。同時這兒都有許多型格酒吧和餐廳,逛街逛到累了,食點東西叉足電再血拼都得。

大家唔好以為曼彻斯特只得足球出名,其實城內都有許多充滿文藝術氣息的好地方。HOME 是集電影歌劇和其他藝術表演一身的劇場,是當代視覺藝街的好去處。

住邊度

帽廠變身文青hostel

Hatters NQ, Manchester

要平平地住,但又要舒服又夠潮。可以入住Hatters- Newton Street Hostel,前身是一間製帽廠,遙身一變成酒店餐廳酒吧。用盡原址的高樓底,每間房都空間感十足,令人覺得舒服毫無壓迫感。hostel的保安做到足,每位住客都有電子鑰匙,不似一般的Hostel只有一個簡單的門鑰。桌球、足球機還是board games都可以免費租借,就算天氣唔好都可以留在hostel玩。Hatters Manchester

住得hostel都係想識下人,pub crawls、電影之夜或城巿導賞團等都有提供。而hostel內的Hold Fast Bar在區內都相當出名。

曼彻斯特其他住宿

 

英國攻略

倫敦抵住酒店
倫敦潮區Tower Hamlets

梁安臣
View profile
21世紀廢青最佳人版。成份糧就係為左去旅行、飲飲食食同買衫買鞋買褲乜乜乜。月頭豪洗,月中省住洗,月尾冇得洗。總之有得去旅行,豪玩窮遊都照殺。港產偽文青,試過揸筆、揸機搵食,而家係啤酒國呃飯食。可以唔食飯但唔可以唔飲咖啡,到異地必定蒲Café;可以唔食飯但一定要買野,就算去左沙漠都買到戰利品。搶到10歐機票係每個月既KPI。