行李都有得「免提」 輕鬆遊日攻略

撰文 Helen Lam,

相信唔少香港人嘅第二個鄉下都係日本,而且仲係好多個城市,一次過玩大阪﹑京都﹑奈良是常識吧。識玩嘅甚至會過埋東京,之但係,拖喼穿州過省絕對唔係一件樂事;咁如果有得點對點,機場寄酒店﹑酒店又寄酒店咁又啱唔啱心水?

 

行李唔駛自己攞嘅—用行李寄送就得

行李寄送服務唔係用重量計,而係用尺寸計。酒店同酒店之間嘅寄送,同區的話通常隔日就會送到;而機場同酒店之間就有機會需要2日或以上時間。大家最好問清楚做好預算,寄送嘅單可以向酒店櫃台查詢領取。


大阪

難波懶人方便之選

連未去過大阪嘅都聽過難波呢區,除左四通八達之外更相傳行三日三夜都未必行得哂。

位處難波嘅Brighton City Osaka Kitahama 係懶人恩物,點解?因為酒店對面就已經有2間便利店,而且酒店亦有微波爐﹑製冰機同飲品販賣機係不同樓層。玩完買完一日番酒店同旅伴飲杯嘢又得,朝早唔駛行出酒店叮早餐食又得。

輕鬆遊日

奈良

在地和式之選

奈良睇鹿已經成為去日本關西嘅指定動作,好多人為左避免雞手鴨腳將行李搬上搬落嘅情況,都會選擇趕頭趕命DAY TRIP去,或者用雙倍酒店錢放行李係大阪,再係奈良留一晚。

不如用宅配將行李由大阪酒店送去奈良呢間充滿歷史味道,但又唔陳舊嘅NARA,唔趕﹑唔駛自己抬仲唔駛俾雙倍錢。

除左有靚酒店影偽文青相之外,數分鐘路程就到達奈良公園,餵鹿打卡一次過。

輕鬆遊日

京都

清水寺憩靜之選

京都就係左近,身為唔執輸嘅香港人當然要去埋!想住近清水寺嘅酒店,吸收一下靈氣?

免卻左搬行李嘅煩惱,住近清水寺就唔再係難事。Kyokoyado Yutone 嘅設計,令住客彷如時光倒流咗去舊時嘅日本一樣。

酒店擺設一絲不苟,從房間到溫泉式浴缸都令人忘記身處嘅時代,加上酒店周遭寺廟嘅環境;只係留係酒店房間都足以令人津津樂道。

輕鬆遊日

東京

交通匯點之選

咁啱又俾你捕到內陸機嘅平機票,但大阪買得太開心,飛東京唔夠行李限額?寄埋過Royal Park Hotel The Shiodome 就最無後顧之憂啦!東京成田機場同大阪關西機場等熱門地都有提供此項服務。

除左鄰近地鐵站外,由酒店去築地或者東京鐵塔都只係大約10分鐘步行距離。

更多=> [呃like系列] 靚景東京酒店 和服體驗
     避開人潮玩到盡! 東京迪士尼喪玩攻略

輕鬆遊日